Archive for November, 2005

ang lola mo….

Saturday, November 26th, 2005

kanina ang lola mo bumili ng parol. kulay gold yari sa aluminum foil. kahit walang handa basta may parol pasko na.

kanina ang lola mo nasa simbahan, patuloy pa rin ang panata, dasal at luhod hawak ang lumang rosaryo.

kanina ang lola mo, nakaupo sa labas ng simbahan, nagtitinda ng kandila para sa isusubo ng apo.

kanina ang lola mo, may hawak na saklay, sa hospital. isang saklay lang, dalawa dapat. mahirap talaga ang buhay.

kanina ang lola mo nagtitinda. puting puti ang buhok sa maputik na kalsada ng divisoria. para sa hapunan na lugaw.

kanina ang lola mo nasa hagdan ng LRT, ilong ng isang katutubong binaba ang bundok para sa limos na iaabot mo.

kanina ang lola mo nasa TV. hawak ang rehas na bakal. nagtinda ng marijuana. may katarata na ang mata ngunit wala pa ring laya.

kanina ang lola ko, nagluto ng tortang giniling. lahat ginagawa para sa akin. nagtitiis ‘wag lang ako mahirapan.

ikaw? kanina, naisip mo ba ang lola mo…..

"nay, i love you po…."

Posted in Uncategorized | No Comments »

OUCH!!! sa tagalog, Aray…..

Friday, November 11th, 2005

alam mo naman siguro ang pakiramdam ng salitang ‘yan.

madalas mo naman sigurong maranasan hindi ba?

kapag natapilok, nadulas, nauntog…

aray….

ouch kapag natapilok ka sa isang taong ‘di mo naman kilala. masaya ka kapag nakikita mo, napapangiti ka. pero naku po, aray kung ma-in-love ka sa isang tulad n’ya. ouch ba naman kase, ni hindi ka nga n’ya napapansin.

aray….

ouch kapag nadulas ka. sa sobrang kagustuhan mo, nagpakilala ka. at nalaman mo na hindi pala pwede, hindi pala dapat. naku naman. aray naman talaga kung tatanga-tanga ka. hindi iniisip ang babagsakan kapag dumulas ka.

aray….
ouch kapag nauntog ka. sa puntong dumating ang oras, na marerealize mo ang kapalpakang ginawa mo. ang sakit nga naman kapag mismong pader pa ng bahay n’yo ang gumising sa iyo para sa realidad ng buhay.

aray….
ouch naman talaga ang magmahal. hindi sa lahat ng oras ay "wow, ang ganda. wow ang sarap". ilang gramo man ng gamot, aaray at aaray ka pa rin.

sa susunod, tanggapin mo na lang na ang kadalasang kasunod ng "i’m in love" at "mahal kita" ay "Ouch!"… sa tagalog, aray….

Posted in Uncategorized | No Comments »