tun’og
siya’y isinilang sa mundong gahaman.
lumilipas na sandali sa hilaw na laman.
sinuksok ang kababuyan sa kalooblooban.
lansa ng kanyang puri’y abot sa libingan.
gatas na may tamis ay natuyo sa labi.
batang naglalaro ay binawian ng ngiti.
sa pagdurusa ay siya namang itinali.
pamilyang durog ang nagdulot ng hapdi.
mugmog ng kamusmusan ay dagling kinain.
inaawit ang daing na bigay ng amain.
"pen pen de sarapen panty ko’y wag hubarin,
haw haw halimaw ang aking tiyuhin."
tinahak ang landas at doon tumungo.
sumasabay ang bata sa pag-inog ng mundo.
naglalakbay sa kalye para sa iilang pico.
paglalakad kung gabi, kailan hihinto?
kapoteng-bilog, wala sa bulsa ng mama.
batang manggagawa, ngayo’y nagdurusa.
tun’og para sa iyong hanap na ligaya.
sa kanyang lagusan STD ay nakapunla.
